Битолчанката Александра Шијакоска која на јавноста ѝ е позната како инфлуенсерка што често објавува разни интересни содржини на социјалните мрежи, имаше тежок почеток на годинава, со оглед на тоа што беше ставена пред едно ново искушение.
Младата и убава Александра која е сопруга на Едмонд и мајка на прекрасното момче Риан, на 24 јануари откри дека го изгубила плодот и дека нивното синче кое требаше да биде нивна втора радост сега е во рајот.
Оттогаш таа се повлече од социјалните мрежи, но овојпат објави фотографии од нејзиниот роденден под кои напиша и емотивна порака:
„Сакав да го прескокнам роденденот. После сѐ, мислев тивко да помине. Ама ова е мојот прв роденден каде што Риан разбира. Гледа свеќа и знае дека треба да ја дувне.
Пее „happy to you мајчиче“. Баш тоа ми требаше. Потсетник. Дека сум жива. Дека сум мајка. Дека Бог ме благослови со дете и покрај се што помина моето тело и мојот ум. Да, изгубив дете. Двапати. Изгубив и многу други работи. Да, ме немаше. Да, многу болеше…
Ама денес полнам 33.
И наместо да бројам години, бројам сила што не знаев дека ја имам и се молам оваа година да сум среќна, наместо силна.
happy to me“.
