Се присети и на нејзините зборови: „Тоа твое повремено журкање е иритирачко и непредвидливо, Џејсон“, по што решил да ја забрза одлуката за да ја намали тензијата во бракот. Иако неговата приказна е лична, експерти од "Circle Health Group" објаснуваат дека престанувањето со алкохол носи низа конкретни промени во телото и издвојуваат пет најважни.

Помало оптоварување за црниот дроб

Според податоците што ги наведува "Circle Health Group", престанувањето со пиење го намалува натрупувањето на триглицериди и холестерол во црниот дроб. Прекумерното пиење може да доведе до замастен црн дроб и дополнителни компликации. Кога алкохолот се исфрла, црниот дроб добива шанса да закрепне. Тоа е прв важен чекор кон подобро општо здравје, пишува „"Unilad"“.

Заштита на срцето

Алкохолот може да го ослабне срцевиот мускул и да го зголеми крвниот притисок. Тоа го зголемува ризикот од мозочен удар, васкуларна деменција и некои видови рак. "Circle Health Group" наведува дека во рок од три недели по престанокот со пиење нивото на холестерол се намалува. Со тоа дополнително се штити и срцето.

Поквалитетен сон

Престанокот со алкохол го подобрува сонот бидејќи алкохолот ја потиснува REM фазата, најдлабокиот дел од циклусот на спиење. "Circle Health Group" објаснува: „REM има огромна улога во когнитивните функции, овозможува обработка на сеќавањата, носење појасни одлуки и регулирање на емоциите.“ Без алкохол, сонот станува подлабок и поквалитетен. Подобрувањето може да се забележи веќе во рок од една недела.

Повеќе сила и енергија

Намалувањето или престанокот со пиење може да ја зголеми издржливоста и нивото на енергија. Алкохолот е калоричен и може да ја наруши дигестијата, па неговото исфрлање често доведува до губење килограми. Намаленото оптоварување на срцето и црниот дроб ја подобрува општата физичка кондиција. Многумина по неколку недели забележуваат повеќе сила и подобра мотивација за вежбање.

Поздрава кожа

Алкохолот го дехидрира телото и може да ја направи кожата уморна и безживотна. Кога ќе се престане со пиење, кожата задржува повеќе влага и изгледа посвежо. Организмот тогаш подобро ги апсорбира витамините А, Ц и Е, кои помагаат во обновата и заштитата на кожата. Подобриот сон и општото здравје дополнително придонесуваат за поздрав изглед.