Следната филмска авантура на браќата-желки, Леонардо, Донатело, Рафаел и Микеланџело, ќе пристигне во кината нешто порано отколку што беше претходно планирано.
Новиот филм од серијалот „Teenage Mutant Ninja Turtles“, „Mutant Mayhem 2“, премиерно ќе се прикаже на 13 август 2027 година, еден месец порано од претходно најавениот датум на излегување – 17 септември.
Филмот „Mutant Mayhem 2“ го режирал Џеф Роу заедно со Кајлер Спирс и Јашар Касаи. Роу и Спирс работеле и на првиот филм, заедно со продуцентите и сценаристите Сет Роген и Еван Голдберг, кои исто така се враќаат.
Продуцентскиот тим го заокружуваат Џејмс Вивер од „Point“ Grey, Џош Фејген и Рамзи МекБин, а Лукас Вилијамс е извршен продуцент.
Првиот филм „Mutant Mayhem“ излезе во август 2023 година и заработи 181 милион долари ширум светот. Сепак, „Paramount Pictures“ и „Nickelodeon Movies“ беа толку оптимистични околу новиот пресврт на 40-годиши старата франшиза така што започнаа со развој на продолжение уште пред филмот да пристигне во кината.
Минатата година, „Парамонт“ во календарот за 17 ноември 2028 година додаде и неименуван хибриден игран и анимиран филм „Нинџа желки“ без официјален наслов. Тоа ќе биде првиот игран филм „Нинџа желки“ по филмот „Out of the Shadows“ од 2016 година.
Исто така, претходно овој месец „Парамонт“ најави планови за проширување на франшизата „ТМНТ“ преку повеќе проекти, вклучувајќи големо партнерство за лиценцирање играчки со „Мател“, илустрирана книга за ученици од основните училишта („Teenage Mutant Ninja Turtles: Splinter’s Dojo“), роман за возрасни (базиран на бестселерот графички роман „The Last Ronin“), дигитална серија наменета за предучилишни деца („Teeny Mutant Ninja Turtles“ за Јутјуб) и тематски пицерии што ќе се отворат во Санта Моника, Монтереј во Мексико и Сао Пауло во Бразил.
