Босанскиот актер Драган Маринковиќ Маца се огласи на своите социјални мрежи по повод вчерашната трамвајска несреќа во Сараево.
Актерот се осврна на трагичното страдање на младото момче Ердоан Моранкиќ и го сподели статусот што претходно го објавила Амра Кахведџиќ.
„Секако дека млад уметник чии дела се изложени во галерија и кој студира уметност, загина поради излизгување на трамвај стар сто години. Секако дека тој загина, а не некое набилдано криминално куче со шест одделенија основно образование и полициско досие дебело како „Војна и мир“ за нарушување на јавниот ред, силување, тепачки и изнуда.
Набилданото куче со златен ланец околу вратот и татко кој ја држи половина Босна не оди пешки ниту се вози со трамвај, туку се вози во џип од сто илјади марки и поради него државните пари се крадат од сиромашните за правење приватни хотели и викендички на Бјелашница и Влашиќ, а не за нови трамвајски шини од Австро-Унгарија“, се наведува во објавата.
Во продолжение се споменува ситуацијата кога на кралицата Марија Антоанета ѝ рекле дека парижаните умираат затоа што немаат леб, а таа во чудо тогаш рекла да јадат колачи.
„Пратете нѝ колачи, банда на власт, криминална, неписмена. Беше прашање на ден кога и ние ќе ја добиеме својата настрешница. Србите ја запалија половина држава заради своите деца, а што ќе направиме ние? А тебе, млад човеку, Ел Фатиха. Опрости нѝ на сите со право на глас на изборите“, се наведува во објавата.
Денес
