[ВИДЕО] Извинете што мораме да ви го кажеме ова, но – жирафите немаат каде да се засолнат кога има бура: „Ова ми го расипа денот“

Имено, жирафите немаат каде да се засолнат додека трае бурата бидејќи се превисоки. Ќе ве оставиме да го „сварите“ ова и евентуално да пуштите солза.

Поради својата висина и отворениот терен на кој престојуваат, овие животни немаат каде да се засолнат од налетите на бурата, што било снимено за време на една таква бура во петокот. Жирафите само стоеле и чекале да помине.

За време на бури жирафите се однесуваат прилично прагматично, иако за тоа нема многу систематски истражувања. Она што се знае доаѓа главно од теренски набљудувања во африканските савани.

Најчесто остануваат да стојат, токму како во видеото. За разлика од многу животни, жирафите ретко се засолнуваат или легнуваат за време на силни поројни дождови и грмежи. Нивната висина и градба го прават легнувањето ризично, особено ако треба брзо да реагираат на потенцијална опасност. Стоењето им овозможува подобра прегледност и побрзо бегство доколку се појави предатор, дури и при лошо време.

Ако е можно, ќе побараат засолниште покрај ретки дрвја или грмушки, но не влегуваат во густи шуми ниту се кријат под дрвја повисоки од нив. Тоа веројатно е инстинктивно поврзано со опасноста од удар на гром, бидејќи жирафите се меѓу највисоките точки во пејзажот.

За време на бури често мируваат и го намалуваат движењето. Не се хранат активно додека трае силен дожд или грмежи, туку чекаат условите да се смират. Меѓутоа, по бурата тие брзо им се враќаат на вообичаените активности, а свежата вегетација по дождот често значи и поинтензивно хранење.

Интересно е што, и покрај својата висина, кај жирафите не е забележано панично однесување за време на бури. Нивната стратегија повеќе наликува на тивко чекање да помине, со постојана будност и потпирање на добриот вид и слух.