Најбогатиот човек на светот порачал дека економскиот спас би можел да лежи во напредната технологија.
Илон Маск, директор на компаниите „Тесла“ и „Спејс икс“, повторно испрати предупредување поради финансиската ситуација во САД.
Според неговите зборови, Америка „1.000 отсто ќе банкротира“ доколку не го контролира долгот и не го забрза технолошкиот развој.
„Доколку не дојде до големи иновации во вештачката интелигенција и роботика, САД ќе се соочи со практичен финансиски колапс“, предупредил Маск.
Маск наведува дека државниот долг на САД моментално надминува 38,5 билиони долари, додека пак плаќањето на каматата на тој долг изнесува скоро еден билион долари годишно, што е повеќе од буџетот на американската војска.
„Само технолошки напредок може значајно да го забрза економскиот раст и земјата со текот на времето да избегне банкрот“, додал тој.
Според негово мислење, АИ роботиката не е само иновација за индустријата туку и клучно средство за чување на финансиската стабилност на земјата.
Тој предупредил дека таквиот развој може да доведе до дефлација затоа што производството и услугите би се зголемиле побрзо од количината пари во економијата, што дополнително го зголемува реалниот товар на долгот.
Иако доларот останува резервирана светска валута, што на САД му дава флексибилност во задолжување, Маск смета дека ова не е долгорочно одржливо без раст на производството и технологијата.
Експертите истакнуваат дека предупредувањето на Маск доаѓа во момент на растечка загриженост поради енормниот буџетски дефицит и јавен долг на САД, како и сѐ почестите расправи за стратегиите за одржлив економски раст.
„Не можеме да се потпреме само на фиксните мерки. Технологијата мора да биде дел од решението“, заклучил Маск.
