По смртта на сопственикот, осумгодишната кучка Бетси завршила во засолниште во Кентаки. Пред тоа таа била сакан домашен миленик, а ненадејната загуба на домот и познатата рутина претставувала голема промена за постарото куче, кое морало да се навикне на сосема нова средина.
Пресвртот во приказната следел кога Бетси добила нова шанса – набрзо била вдомена од сопствениците Кејт Хајнрих и Тејт Мичел. Видеото што го прикажува нејзиниот прв ден во новиот дом, во кое таа постепено се опушта и се прилагодува, стана вирално на „ТикТок“.
Нејзината трансформација ги трогна гледачите
Мичел за „Newsweek“ изјави дека ѝ биле потребни неколку дена за да ја покаже својата вистинска природа, како прво да морала да се увери дека повторно е на безбедно. Нејзината смирена трансформација особено ги трогнала гледачите, а се совпаѓа и со наодите од истражувања кои покажуваат дека престојот во згрижувачки дом може значително да го намали стресот кај кучињата од засолништа, особено кај постарите.
