Изборот на добар ПИН може да биде предизвик. Треба да биде лесен за паметење, но не треба да се запишува. За разлика од лозинките, тука не можете да користите големи букви или интерпункциски знаци – ограничени сте на само десет цифри, пишува „Унилад“ (UNILAD).

Лесно е да се избере нешто како датум на раѓање. Но, дали тоа навистина ве штити од ризик? Во денешниот дигитален свет, повеќето луѓе се свесни за важноста на заштита на своите податоци, но лесно може да се занемари значењето на четирицифрениот број кој го прави вашиот ПИН.

Не станува збор само за банкарски сметки, туку и за телефони, сефови и други уреди. Ако вашиот ПИН е премногу едноставен и некој го погодил, станува главна цел за хакери и крадци. Затоа е важно да размислувате креативно при изборот на броеви.

Ник Бери од компанијата „ДатаЏенетикс“ (DataGenetics) ги анализирал податоците и составил листа на десет најчести ПИН-кодови кои треба да се избегнуваат ако сакате да останете безбедни. Можете ли да погодите кој е најчестиот? За четирицифрен ПИН, најлесен избор е 1234, но луѓето често прават и други вообичаени грешки кога се обидуваат да избегнат премногу едноставни комбинации.

10-те најчести ПИН-кодови:

1234

1111

0000

1212

7777

1004

2000

4444

2222

6969

Треба да се избегнуваат и години на раѓање, бидејќи години како 2000 исто така се на листата на најчести ПИН-кодови, додека 2001 е на 20-то место. Според Бери, 20-те најчести ПИН-кодови сочинуваат 26,83 отсто од 3,4 милиони анализирани ПИН-кодови.

Најреткиот ПИН во оваа студија е 8068, кој се појавил само 25 пати од 3,4 милиони ПИН-кодови. Покрај тоа, 20-те најмалку користени ПИН-кодови покажуваат препознатливи обрасци – ниту еден од нив не започнува со броевите 1, 2, 3, 4 или 5.

Најретки ПИН-кодови:

8557

8438

9539

7063

6827

0859

6793

0738

6835

8093