Брановите, под влијание на ветерот, значително навлегле кон копното и на брегот исфрлиле неочекувана „содржина“, пренесе „Observator“.

Нереални сцени

Објавените фотографии и снимки откриваат дека плажите осамнале прекриени со огромен број школки и полжави, што изгледа нереално.

„Сите организми што живеат на морското дно и во песокот, брановите некако ги донеле“, изјавил истражувачот Разван Матеску.

Неговиот колега, биологот Виктор Нита, објаснил:

„Потоплата зима овозможи одредени видови да не останат закопани. Бурата, иако не премногу голема, но со големи бранови, исфрли живи организми во импресивни количини“.

Истражувачите откриле и некои особено интересни видови на брегот, пренесе „Observator“.

„Ги има насекаде…“

„Пронајдовме школка која е карактеристична за Азија. Станува збор за инвазивен вид“, истакнал истражувачот Адријан Билба.

За локалното население пејзажот е спектакуларен, но во исто време и непријатен — пред сè поради мирисот што се шири.

Надлежните истакнале дека огромниот број школки на плажата претставува ризик за луѓето кои доаѓаат да се капат.

„Ги има насекаде по песокот и затоа носам влечки. Првиот пат си ја исеков ногата, а поради студот дури и не почувствував“, изјавил еден странски турист.

Биолозите нагласиле дека овој необичен феномен не е знак за загадување на морето и дека нема да има негативно влијание врз животната средина.