Американската конгресменка, Илхан Омар, беше нападната со непозната течност за време на јавна трибина во Минеаполис во вторник. Полицијата соопшти дека маж во публиката ја испрскал жената со шприц, која останала неповредена и продолжила со настанот. Напаѓачот бил веднаш уапсен, објавува Би-Би-Си.
Полицијата додаде дека на местото на настанот се спроведува форензичко испитување. Видео снимките од инцидентот го покажуваат обезбедувањето како вика „направете пат“ додека го придружуваат мажот од салата. Додека го придружувале надвор, тој извикал дека Омар „ги врти еден против друг“, но не било јасно на кого мислел.
NEW -- Rep. Ilhan Omar was just charged by a man at a town hall event in Minneapolis. Crowd says he "sprayed her" with something.
— Jay O'Brien (@jayobtv) January 28, 2026
You can hear Omar demand to continue the town hall -- and she's back to speaking now from the podium. pic.twitter.com/4OpSWHo0Z9
„Мислев дека еден од нејзините помошници доаѓа до неа за да ѝ даде порака или нешто слично“, рече Жаклин Гослинг за напаѓачот. Таа додаде дека силен мирис на течноста го исполнил предниот дел од просторијата. Репортер на Би-Би-Си во салата објави дека течноста имала кисел мирис, сличен на хемиски производ.
I’m ok. I’m a survivor so this small agitator isn’t going to intimidate me from doing my work.
— Ilhan Omar (@IlhanMN) January 28, 2026
I don’t let bullies win.
Grateful to my incredible constituents who rallied behind me. Minnesota strong.
Омар по инцидентот се огласи на социјалните мрежи и рече: „Добро сум. Преживеав и овој мал провокатор нема да ме заплаши да си ја работам работата. Нема да дозволам насилниците да победат“, рече таа. Се обрати на толпата велејќи: „Одиме напред… ние сме силни како Минесота“.
