„ОпенАИ“ ги охрабрува корисниците да ги споделуваат своите медицински картони и податоци од апликации како „Мај фитнес пал“ (MyFitnessPal), сè со цел вештачката интелигенција да им обезбеди персонализирани совети.

Компанијата соопшти дека разговорите во Четџипити хелт ќе се чуваат одделно од другите и нема да се користат за обука на алатките за вештачка интелигенција. Исто така, нагласи дека функцијата не е наменета за „дијагностицирање или лекување“.

Загриженост за чувствителни податоци

Ендру Крофорд од американската непрофитна организација Центар за демократија и технологија рече дека е „клучно“ да се одржуваат „строги“ заштитни мерки околу здравствените информации на корисниците.

„Новите здравствени алатки со вештачка интелигенција нудат ветување за јакнење на пациентите и промовирање подобри здравствени резултати, но здравствените податоци се едни од најчувствителните информации што луѓето можат да ги споделат и мора да бидат заштитени“, рекол Крофорд.

Тој додал дека компаниите за вештачка интелигенција „силно притискаат“ да најдат начини повеќе да ги персонализираат своите услуги за да ја зголемат вредноста.

„Особено додека „ОпенАИ“ се движи кон истражување на рекламирањето како бизнис модел, клучно е одвојувањето помеѓу овој тип на здравствени податоци и спомените што Четџипити ги снима од други разговори да биде беспрекорно“, забележал тој.

Пресвртница во медицинскиот консалтинг?

Според „ОпенАИ“, повеќе од 230 милиони луѓе го прашуваат својот четбот за здравјето и благосостојбата секоја недела. Во блог пост, тие наведоа дека Четџи „ја подобрил приватноста за да ги заштити чувствителните податоци“.

Корисниците можат да споделуваат податоци од апликации како што се „Епл хелт“, „Пелотон“ и „Мај фитнес пал“, како и да доставуваат медицински картони, кои можат да се користат за да се обезбедат порелевантни одговори на нивните прашања.

Генеративните алатки за вештачка интелигенција се познати по тоа што создаваат лажни или погрешни информации, честопати презентирајќи ги како факт. Сепак, Макс Синклер, извршен директор и основач на маркетинг платформата за вештачка интелигенција „Азома“, верува дека „ОпенАИ“ го позиционира својот четбот како „доверлив медицински советник“.

Тој го опишал лансирањето на Четџипити хелт како „пресвртница“ што би можела „да ги преобликува и грижата за пациентите и малопродажбата“, влијаејќи не само на тоа како луѓето пристапуваат до медицински информации, туку и што луѓето би можеле да купат за да ги лечат своите проблеми.

Синклер додал дека технологијата би можела да биде „пресвртница“ за „ОпенАи“ во услови на зголемена конкуренција од конкурентските четботови за вештачка интелигенција, особено „Џемини“ на „Гугл“.

Ограничена достапност и политика за приватност

Компанијата соопшти дека Четџипити хелт првично ќе биде достапна за „мала група корисници“ и отвори листа на чекање за сите заинтересирани. Функцијата моментално не е достапна во Велика Британија, Швајцарија и Европската Унија, каде што технолошките компании мора да се придржуваат кон строги правила за тоа како да ги обработуваат и заштитуваат податоците на корисниците.

Сепак, во САД, Крофорд предупредува дека овој потег значи дека некои компании кои не се обврзани со строги закони за приватност ќе „собираат, споделуваат и користат здравствени податоци на луѓето“.

„Бидејќи од секоја компанија зависи да ги постави правилата за тоа како се собираат, користат, споделуваат и складираат здравствените податоци, несоодветната заштита и политиките на податоците можат да ги доведат чувствителните здравствени информации во вистински ризик“, заклучил.