Триесет и шестгодишен државјанин на Хрватска доживеал неверојатна измама кога купил половен автомобил од авто-куќа во Европската унија, за подоцна на сервис да открие дека бројот на поминати километри на возилото бил намален за речиси 180 илјади. Случајот го пријавил во полиција вчера, на 16 декември.
Според пријавата, триесет и шестгодишникот на почетокот на август годинава пронашол оглас за автомобил преку апликација за продажба на возила.
Откако телефонски стапил во контакт со вработените во авто-куќата, лично отпатувал во странство и го купил возилото за неколку илјади евра. По враќањето во Хрватска, уредно го увезол автомобилот, ги платил сите давачки и го регистрирал.
Вистинскиот шок следувал откако го однел автомобилот на сервис, каде што било утврдено дека реалната километража е речиси 180 илјади километри поголема од онаа прикажана на бројчаникот.
Се сомнева дека непознат сторител едноставно ја „вратил“ километражата со поврзување компјутер со електрониката на автомобилот. Кога оштетениот ги повикал вработените во авто-салонот за да се пожали за измамата, тие му го блокирале телефонскиот број и престанале да одговараат на повици и пораки, пишува „Index.hr“.
Полициските службеници спроведуваат кривична истрага поради сомнение за кривични дела измама и компјутерско фалсификување, со цел откривање на сторителите.
