Гвардиола за класата која ја доби во својот тим: Дури и слепа жена ќе препознае дека е извонреден

Францускиот фудбалер немаше баш лесна адаптација на англискиот фудбал поради повредата која ја влечеше, но во овој период кога стекна континуитет, почна да прави разлика од натпревар во натпревар.

Шерки вчера постигна фантастичен гол и го најави пласманот на Сити во полуфиналето на Лига Купот, а Гвардиола даде изјава во свој стил за класата која ја поседува новата „десетка“ на Сити.

– Рајан е извонреден, постигна фантастичен гол. Дури и слепо момче, дури и слепа жена ќе сфати за каква класа станува збор. Тој е извонреден, не треба да бидете менаџер или новинар за да го заклучите тоа.

– Голот кој го постигна беше фантастичен, но јас веќе имам видено такво нешто од играчи на Сити. Го имам видено многупати од Фоден, а секако и од Кевин Де Брујне во минатото, – изјави Гвардиола.