Легендарниот Грем Сунес на свој начин даде коментар за трката за титулата во англиската Премиер лига.
Иако можеби е рано да се даваат силни заклучоци, коментари со оглед на тоа што се одиграни само 16. кола, јавноста на островот сака дебати, сака атмосферата да се загрева, па и Сунес од стручен агол се обиде да објасни што се случува и кој може да биде најголемиот проблем за Арсенал без разлика на тоа што во моментов е лидер на табелата.
-Одењето кај Кристал Палас не е лесно, а тие [Манчестер Сити] се појавија и победија. Сити едноставно се враќа добро во вистинско време, што е застрашувачки за останатите. Астон Вила е добар тим, но кога ќе ја освоите титулата и тоа неколку пати, имате неверојатна верба во себе и во играчите со кои седите во соблекувалната.
-Арсенал го нема тоа. Сити го има тоа. Вила го нема тоа. Значи, Сити ќе биде полн со самодоверба. Ќе размислуваат: „Ова ќе го добиеме. Некој ќе се изгаси. Ќе го победиме Арсенал кога ќе играме против нив, ќе ја победиме Вила кога повторно ќе играме против нив и ќе ја освоиме лигата“.
-Тоа е она што ќе го мислат. За Арсенал, тие ќе мислат: „Сме биле тука и претходно, нели? Ајде да се погрижиме овој пат да не изгориме. И тоа е мал црв во нивната глава. Вила никогаш не била блиску во поновата историја, а сето ова е ново за нив. Но, кој може да каже дека не можат да продолжат? Имаат некои навистина добри играчи.
-Можеби има проблем и за нив. Оли Воткинс – [Унаи Емери] очигледно не е целосно задоволен од него бидејќи не го ставаше во почетната постава, -вели Сунес кој многу добро знае како се освојуваат пехари во Англија.
