Вирално видео покажува врата што еден пар ја открил при реновирање на куќата – неочекувана просторија за која дури и не знаеле дека постои, целосно ги збунила.
На својот ТикТок профил @goldenberryx таа споделила видео во кое го отстрануваат ѕидот и наидуваат на дрвена врата.
„Го отворивме ѕидот и најдовме врата за која никој не знаеше дека постои. Куќите од 1930-тите навистина се полни со изненадувања“, напишала.
Во видеото се слуша смеење, а сопственичката додава: „Звукот на смеењето на поранешните сопственици откако завршила продажбата“.
Парот не знаел што се наоѓа од другата страна, но љубопитноста била посилна од стравот, па внимателно продолжиле да го отстрануваат ѕидот.
Нивното откритие заинтригирало многумина – видеото собрало дури 12 милиони прегледи, а коментарите биле поделени помеѓу страв и хумор: „Повикајте свештеник“, „Ве молиме, известете не… мора да видиме што е зад вратата“, „Повеќе ме збунува тоа што имате ѕидови од хартија“…
Иако признаа дека биле „потресени до сржта“, во друго видео открија што всушност се крие зад вратата – и изненадувањето било пријатно.
„Сите очекуваат проколната просторија… но тоа е купатило, пријатели“, објаснила сопственичката. „Искрено сум шокирана што таму пронајдов цело купатило, бидејќи претходните сопственици буквално ја покриле старата врата. Значи, куќата не е проклета… само е ‘проклета’ со сомнителна столарија.“
Иако на сопственичката ѝ олеснало, некои следбеници не го делеле нејзиниот оптимизам: „Постоела причина зошто купатилото е скриено.“ Други додале: „Изгледа како нелегална доградба што требало брзо да ја ‘поништат’.“
