Извршниот директор на „Nvidia“ зборуваше за последиците што вештачката интелигенција може да ги има врз човештвото.
Во неодамнешно интервју за „The Joe Rogan Experience“, извршниот директор на „Nvidia“, Џенсен Хуанг, призна дека, и покрај огромните инвестиции и забрзаниот развој, никој всушност не знае какви долгорочни последици ќе има вештачката интелигенција (AI).
На прашањето дали верува во најавите за крајот на "AI"-ерата, во кои вештачката интелигенција може да претставува закана за човечкиот род, Хуанг одби да им се придружи на песимистите: рече дека не верува дека апокалиптичнo сценарио е веројатнo, но и дека иднината — останува отворена и неизвесна.
Развојот на "AI" го спореди со технолошките трки од минатото, како Студената војна и „Manhattan Project“, оценувајќи дека технолошкиот напредок често ја менувал рамнотежата на моќта во светот, поради што е важно САД и западните земји да останат лидери во тој процес.
Хуанг исто така предупреди дека преминот кон "AI" нема да биде драматичен скок, туку постепен процес: според него, промените ќе доаѓаат чекор по чекор – преку еволуција на технологијата, а не преку ненадејна точка на пресврт.
Повеќе од она што Хуанг го кажа можете да погледнете во приложеното видео.
