Милан со голем пресврт успеа да издвојува победа над Торино од 3-2, победа со која е на врвот на Серија А заедно со Наполи.
Миланезите губеа со 2-0 по само 17 минути игра, но потоа се стабилизираа, постигнаа гол преку Рабио до крајот на првиот дел за да во второто полувреме резервистот Пулишиќ двапати реализира за славје на „црвено-црните“.
Со ова Марко Ландучи кој одново го менуваше Масимилијано Алегри (казнет) го задржа перфектниот учинок на клупата на „росонерите“.
- Го ставив мојот рекорд во опасност. Добро е што тренерот е тука, бидејќи малку ми е преку глава, - се пошегува Ландучи кој потоа проговори за натпреварот.
- Торино нè чекаше во првото полувреме и бевме глупави што паднавме на тоа, бидејќи наместо да ја движиме топката странично, се заглавивме во средината. Потоа имаше пенал и контранапад, но мора да го пофалиме овој тим затоа што никогаш не се предаваат. Исто така, мора да им се заблагодариме на тренерскиот персонал и на лекарите, затоа што го вратија Пулишиќ на нозе. Тој беше многу болен пред некој ден, но ни помогна многу. Духот на целиот тим повторно докажа дека не се предава, - порача Марко.
