Италијанската одбранбена компанија „Leonardo“ ги претстави плановите за одбранбениот штит инициран од вештачката интелигенција чија цел е заштита на градовите и критичната инфраструктура во период на зголемена геополитичка напнатост.

Наречен „Michelangelo Dome“, составот е развиен за одбрана на клучните инфраструктури, чувствителни урбани подрачја и имоти од национално и европско стратешко значење, соопштиле од компанијата, а пренесува „Euronews Next“.

„Leonardo ја потврдува својата предаденост на развојот на решенија кои ги штитат граѓаните, институциите и инфраструктурата, комбинирајќи ја напредната технологија, составна визија и моќни индустриски капацитети“, изјавил Роберто Цинголани, главен извршен и генерален директор на „Leonardo“.

„Во светот во којшто заканите брзо се развиваат и стануваат сѐ посложени и во кој одбраната е поскапа од нападот, таа мора да иновира, предвидува и да гради меѓународна соработка“.

Компанијата очекува проектот целосно да биде оперативен до крајот на декадата, наведува „CNBC“.

Како функционира?

Куполата „Michelangelo“ била претставена во четвртокот, а од компанијата тврдат дека се разликува од постоечкиот состав затоа што интегрирани се сензорите на новите генерации на копнените, поморски, воздушни и вселенски платформи, како и алатките за кибернетичка одбрана и контролните состави и модули на вештачката интелигенција.

Според податоците на компанијата, станува збор за безбедносен чадор којшто може да открие, следи и неутрализира широк спектар на закани, вклучувајќи и хиперсонични проектили, роеви дронови, површински и подводни напади, дури и во текот на големи координирани операции.

Составот исто така може да користи вештачки сензори и предиктивни алгоритми за однапред да ги процени непријателските активности и автоматски да одреди соодветни противмерки.

Европа во последниве години значајно ја зголемила одбранбената линија, особено откако американскиот претседател Доналд Трамп порачал дека би можел да ја намали финансиската потпора кај европските сојузници.

Во октомври 2022 година европските држави ја најавија и иницијативата „European Sky Shield Initiative“ (ЕSSI), насочена на јакнење и заштита на континентот од воздушни закани по почетокот на руската инвазија на Украина. Засега не е познато дали новата технологија на „Leonardo“ ќе се вклопи во програмата „ESSI“.