Повеќе од 417 милиони деца ширум светот живеат во сиромаштија и се лишени од најмалку две основни потреби како што се исхрана и санитарни услови, покажа најновиот извештај на УНИЦЕФ.
Извештајот „Состојбата на децата во светот 2025: Крај на детската сиромаштија – наш заеднички императив“ беше објавен по повод Светскиот ден на детето и се базира на податоци од повеќе од 130 земји.
Проценката на мултидимензионалната сиромаштија вклучува шест категории: образование, здравство, домување, исхрана, санитарни услови и вода.
