Рускиот воз на Дедо Мраз официјално ќе го започне своето патување оваа година на 19 ноември од Владивосток, а ќе застанува во повеќе од 70 руски градови.
Во соопштението, кое го објави „РИА Новости“, се наведува дека Дедо Мраз ќе ја провери подготвеноста на возот во неговиот роден град Велики Устјуг на 9 ноември, кога ќе замине за Владивосток, од каде што започнува официјалната тура.
Овој град ќе биде почетна точка на неговото петто големо патување, кое ќе започне со Транссибирската железница.
„Почнувајќи од 19 ноември, Дедо Мраз ќе застанува во повеќе од 70 градови со празничната програма, а потоа ќе се врати во својот роден град“, наведуваат Руските железници.
Продажбата на билети за празничната програма и куклената претстава на возот ќе биде отворена за првата етапа од патувањето, до градот Омск во југозападен Сибир, веднаш по заминувањето на возот на Дедо Мраз од Велики Устјуг во Волгоградската област, на 9 ноември во 15 часот по московско време.
Возот на Дедо Мраз е опремен како негов празнично украсен мобилен дом и содржи голем број специјални вагони како што се простор за прием, село со самовили за игри и задачи, сцена и куклен театар за претстави, продавница за подароци, простор за услуги и вагон-ресторан за чајанки, како и вагони за спиење за тимот помагачи на Дедо Мраз.
Возот на Дедо Мраз тргна за прв пат на 5 декември 2021 година, а во текот на четири зими возот патуваше 108.000 километри, што е речиси три пати поголемо од дијаметарот на екваторот на Земјата, додека 1.740.000 луѓе го пречекаа Дедо Мраз на железничките станици.
