Ван Дајк се соочи со Руни и не пропушти шанса да го „поздрави“ по победата над Реал

Руни како дел од експертскиот тим на „Амазон прајм“ имаше можност да поразговара со капитенот на Ливерпул, а Ван Дајк не испушти шанса да го „поздрави“ Вејн за неговите зајадливи коментари.

– Фер критика е кога како играч на Ливерпул ќе загубите четири или пет натпревари, но понекогаш се надминува границата. Тоа е така бидејќ живееме во свет во кој има многу платформи, многу луѓе добиваат шанса да се изразат на различни начини и ја прават сликата поголема. За мене добро е што поранешни играчи кои играле на највисоко ниво го прикажуваат тоа од своја перспектива, – изјаив Ван Дајк, по што Руни се вмеша.

– Нема да кажав веќе ништо за нив, мислам дека моите зборови ја активираа нивната победничка серија…. Сметам дека тоа што го кажав беше фер. Кога ќе ја освоите Премиер лигата и кога сте во губитничка низа, не очекувате такви работи од тим како Ливерпул. Вирџил како капитен доби шанса да ги води играчите и тоа е она што сакав да го кажам. Се случуваат такви работи во фудбалот, но мислам дека одговорот од Вирџил и од тимот беше добар, – порача Руни, по што Вирџил одново му возврати.

– Ако ги гледаш натпреварите, дефинитивно ќе видиш дека преземам одговорност. Коментарите дека сум потпишал нов договор и дека сега ќе оставам се да тече понатаму се малку претерани….. Но, тоа е мое лично мислење и продолжуваме понатаму, – се надоврза Ван Дајк.