„Герет Ван де Вен“: Стоперот на Тотенхем претрча 70 метри и постигна гол за паметење во ЛШ

Стоперот од Холандија веќе неколку години важи за еден од најбрзите дефанзивци во Премиер лигата и воопшто во светот, нешто што синоќа го покажа и на највисока фудбалска сцена во Лигата на шампиони.

Тотенхем на домашен терен го победи Копенхаген со 4:0, но начинот на кој Мики погоди за 3:0 уште долго ќе се прераскажува во Северен Лондон.

Стоперот ја прими топката на работ на својот шеснаесетник, по што претрча 70 метри до противничкиот шеснаесетник пред да погоди во мрежата на противничкиот тим.

Импресивниот слалом на Ван де Вен буквално ги фрли во екстаза навивачите на Тотенхем, а без никаков сомнеж, ова беше потегот на вечерта во Лигата на шампиони.