Асенсио ја запозна лудата страна на турското дерби: Гол, голема драма и тврд предмет во глава

Турските дерби пресметки традиционално носат многу жар, борба, остра игра и доста спорни ситуации, а исклучок не беше и вчерашниот меч меѓу Бешкиташ и Фенербахче.

Домаќините рано поведоа со 2:0 и се доби впечаток дека се на добар пат да остварат победа, но работите драстично се променија кога Кокчу доби директен црвен картон во 26-та минута.

По неколкуминутна пауза, играта продолжи со гол за 2:1, но пред да дојде до тоа, Марко Асенсио мораше да добие лекарска асистенција. Шпанецот беше погоден со тврд предмет во моментите кога сакаше да изведе корнер, па одговорноста му препадна на друг соиграч кој испрати одличен центаршут.

Во продолжение, Асенсио се запиша во листата на стрелците и постигна гол за 2:2, а до крајот, неговиот тим направи и целосен пресврт во голема драма која заврши со 2:3.

Ударот во глава погледнете го ТУКА.