Во јавноста најчесто се појавува со својот сопруг, албанскиот премиер Еди Рама, придружувајќи му се на разни општествени и политички настани.
Линда Рама се појавила со својот сопруг на свечената вечера во Елисејската палата во Париз. Приемот бил организиран во рамките на Форумот за мир, кој започнал во средата, а вчера завршил.
Брижит Макрон и Емануел Макрон ги пречекале гостите од Албанија пред Елисејската палата. Еди Рама се појавил во својот препознатлив стил, а за време на позирањето пред вратите на резиденцијата ја прегрнал првата дама на Франција.
Емануел Макрон, како и Рама, носел црн костум, но во многу посвечена варијанта, додека нивните сопруги биле облечени во црни монохроматски модни изданија.
Брижит Макрон за овој настан избрала свечено сако со црни копчиња, а ваквиот модел на елегантна, кратка јакна ѝ прилега најдобро. Го искомбинирала со здолниште во А-крој и неизбежните салонки, кои убедливо се нејзиниот омилен модел на обувки. Здолништата над колената, кои најчесто ги избира за јавни настапи, овој пат ги заменила со подолг модел.
Елегантната високо подигната фризура е нејзиниот омилен стил за обликување на косата, во комбинација со класичен паж со шишки.
Сопругата на Еди Рама, која Брижит Макрон срдечно ја пречекала, се појавила во црно кадифено сако, над кој носела многу впечатлив ѓердан. Пошироката облека со максимална должина целосно ги покрила нејзините обувки. Таа се претставила со интересни виолетови прамени во косата, а со ретро облеката носела класична клач чанта.
Тешко е да се држи чекор со Брижит Макрон кога станува збор за модата. Дали мислите дека Линда Рама успеала успешно да ѝ парира со својот стил или не?
Сопругата на Еди Рама е Линда Рама. За албанскиот премиер, таа е втора сопруга. Зад себе тој има брак со позната актерка, а таа врска му го донела синот Грегор Рама.
Линда Рама по професија е економистка и активистка во граѓанското општество. Нејзиното девојачко презиме е Башa. Со албанскиот политичар има двајца синови — Заха и Реа.
Премиерот на Албанија привлекол големо внимание од јавноста кога пред неколку години говорел за своето семејство и религијата:
„Јас сум католик. Мојата сопруга е муслиманка. Двете постари деца се православци. Нашиот најмлад син, доколку сака, може да избере да биде од еврејска вера. Тука станува збор за луѓе, без оглед на бојата на нивната кожа, културата или верата.“
