Врската на славниот пар започнала во 2023 година, кога Дов Камерон била видена на концерт на бендот „Манескин“ во Њујорк.
Актерката и пејачка Дов Камерон, позната по својата улога во Дизни франшизата „Descendants“ и Дамиано Давид, фронтмен на италијанскиот бенд „Манескин“ и победник на Евровизија 2021 година, се свршиja по две години врска.
Парот бил забележан во Сиднеј, Австралија, каде што Камерон на раката носела дијамантски прстен, што поттикнало шпекулации за свршувачката. Фотографиите од парот брзо се прошириле на социјалните мрежи, а иако нивните претставници сè уште не се огласиле, магазинот „ТМЗ“ тврди дека станува збор за свршенички прстен.
🚨Dove Cameron & Damiano David are engaged, TMZ reports. pic.twitter.com/9oT67hSdUq
— Pop Crave (@PopCrave) October 29, 2025
Камерон (29) и Давид (26) биле фотографирани додека шетале насмеани и среќни. Актерката носела елегантен црн капут и бела кошула, додека Дамиано бил облечен во полежерна црна комбинација.
Почетокот на месецов, Камерон ја одбележа втората годишнина од нивната врска со емотивен пост на Инстаграм, во кој напиша:
„Двете најдобри години од мојот живот. Плачам барем еднаш неделно затоа што животот стана толку убав откако си во него. Те сакам на начин што не може да се опише со зборови.“
Врската на славниот пар започнала во 2023 година, кога Камерон првпат била видена на концерт на „Манескин“ во Њујорк. Потоа парот сè почесто се појавувал заедно, а својата романса ја потврдиле во февруари 2024 година, со заедничко појавување на црвениот килим на гала вечерта на Клајв Дејвис, во пресрет на доделувањето на Греми наградите.
Денес
