Ханси Флик имаше импресивна прва сезона во Барселона, сезона во која ги надмина сите очекувања и му донесе три трофеи на клубот од „Камп Ноу“, плус го одведе до полуфиналето на Лигата на шампионите.
Ова го направи со ограничени ресурси и во ситуација во која Барселона се уште закрепнува финансиски и не може да носи играчи, засилувања кои се квалитетни и чинат повеќе пари, па фокусот е на фудбалерите од школата, популарната Ла Масија.
За Флик оваа втора кампања сигурно ќе биде уште поголем предизвик затоа што сега апетитите и очекувањата пораснаа и ќе биде интересно да се види дали ќе може да испорача барем слични резултати во нареднава година. Од друга страна тој има максимална поддршка од клубот, претседателот Жоан Лапорта кој го спореди со актерот Расел Кроу и тоа со онаа улога од култниот филм Гладијатор.
- Флик е Гладијатор, изгледа исто како Расел Кроу. Тој е одлично откритие за нас и е апсолутно врвен тренер. Навистина е лесно да се сложувате со него; тој е чувствителен со сите. Но, тој е исто така многу бара. Не можете да го натерате да ги промени своите планови. Тој е многу Германец во таа смисла, но во исто време, како што реков, е и чувствителен во начинот на кој се справува со луѓето. Навистина ми е удобно со него и навистина ми е мило што е тренер на Барселона, - порача Лапорта.
