Хрватскиот капитен, кој во Прага против Чешка го забележа 191. настап за националниот тим, е еден од најискусните фудбалери на светот.

Повеќе настапи од него имаат само:

• 223 – Кристијано Роналдо (Португалија)

• 196 – Бадер Ал-Мутава (Кувајт)

• 195 – Сох Чин Ан (Малезија)

• 194 – Лионел Меси (Аргентина)

Средината на јули донесе и голема вест – Модриќ потпиша договор со италијанскиот клуб Милан, по 13 години поминати во „Real Madrid“, каде што стана најтрофејниот играч во богатата историја на клубот.

Луксуз во срцето на главниот град

Минатата година големо внимание привлече информацијата за луксузниот стан во центарот на Загреб што го купил Модриќ.

Станува збор за пентхаус на улица Ткалчиќева со површина од 220 квадратни метри, кој располага со тераса и градина со панорамски поглед кон катедралата.

Станот е спој на два апартмана во поткровјето на елегантна зграда, а цената на квадратот во овој дел на градот изнесува меѓу 6.000 и 7.000 евра.

Вкупната вредност на имотот се проценува на околу 1,4 милиони евра.

Бидејќи нема хипотека ниту друг товар на недвижноста, Модриќ ја платил целосно во готовина.

Простор, дизајн и поглед што остава без здив

На веб-страницата на компанијата што ја изградила зградата може да се види скицата на пентхаусот што го купил Модриќ, како и рендери со предлог за ентериерното уредување.

Се разбира, тоа е само предлог концепт – Модриќ може да го уреди станот според свој вкус.

Според скицата, станот располага со:

• дневна соба од дури 70 квадратни метри,

• гардеробер, остава и влезен ходник,

• WC и три бањи,

• помошен простор и дополнителен ходник со гардеробер,

• четири соби, од кои една е предвидена како домашна канцеларија,

• „walk-in“ гардеробер,

• тераса од 20 квадратни метри и помал балкон на источната страна со неповторлив поглед кон загрепската катедрала.

Повеќе фотографии од станот можете да погледнете во галеријата подолу.