Добар дел од јавноста во Италија гледаше со скептицизам на ангажирањето на Џенаро Гатузо како лидер на националниот тим, но иако Рино се уште е во рана фаза на запознавање со фудбалерите, мора да се признае дека остави зад себе три максимално ефикасни натпревари.
Вака разиграна Италија во нападот не се памети во поновата историја на фудбалот, а доказ за тоа е и статистиката која вели дека Гатузо постави уникатен рекорд.
„Аѕурите“ постигнаа дури 13 голови на првите три натпревари на Гатузо како селектор на репрезентацијата, нешто што претходно не го остварил ниту еден друг тренер во историјата.
🇮🇹 Italia ha marcado 13 goles en sus tres primeros partidos con Gennaro Gattuso.
— Soy Calcio (@SoyCalcio_) October 11, 2025
Ningún otro entrenador superaba la barrera de los 10 goles en sus primeros tres partidos.
✅ 5-0 vs Estonia
✅ 4-5 vs Israel
✅ 1-3 vs Estonia pic.twitter.com/5YQJsZLK3f
Џенаро е првиот селектор кој ја надминал границата од десет голови на првите три натпревари, а во неговито случај, рекордот гласи 13 постигнати голови.
Италија ја победи Естонија на домашен терен со 5:0, потоа славеше во луд меч со Израел со резултат 4:5, а вчера оствари нова победа над Естонија со 1:3.
