Меѓу собните растенија кои особено доаѓаат до израз во текот на есента се истакнува дифенбахијата, декоративно растение со крупни, шарени лисја, со потекло од тропските предели на Јужна Америка.

Ова растение е идеален избор за сите кои сакаат атрактивно растение со декоративни лисја, немаат многу време за него. Со добри услови може да живее и до 10 години, иако со текот на времето ќе биде потребно пресадување и освежување на земјата.

Со малку внимание и правилна нега, дифенбахијата може да стане скапоцен украс во вашиот дом и верен сојузник во создавањето пријатна, топла есенска атмосфера.

Совети за нега

Идеална положба

Дифенбахијата не сака директна сончева светлина, па најмногу ѝ одговараат полуосветлени места. Поради тоа одличен избор е за станови и простории со послабо дневно осветлување, особено во текот на есенските и зимски денови. Може да успее дури и во ходникот или бањата.

Полевање

Полевајте ја умерено и правилно. Земјата треба да биде ни премногу сува, ни премногу натопена. Повремено бришете ги лисјата со влажна крпа за да бидат сјајни и здрави.

Ѓубрење

Во текот на есента и зимата, кога растенијата побавно растат, ѓубрењето не е потребно често.

Внимание поради отровноста

Иако е издржливо растение, дифенбахијата е отровна доколку се голтне. Затоа чувајте ја понастрана од децата и домашните миленици.