Аргентинскиот писател д-р Хорхе Букај, кој е истовремено психијатар и психотерапевт со големо искуство, пишувал во една од своите книги за важните вистини до кои дошол во својот живот.
Букај вели дека постојат три нешта кои се вистинити.
Првата вистина е: „Во овој момент, сè е онакво какво што е.“
Работите се такви какви што се. Не се такви какви што сакам да бидат, ниту какви што некогаш биле, ниту какви што ќе бидат. Сè е такво какво што е.
Втората вистина е: „Добри работи не се бесплатни.“
Добрите работи не се навистина бесплатни. Треба да се плати цена. Не секогаш економски, не во пари, но мора да се плати. Добрите работи не се бесплатни, и тоа мора да се разбере. Спротивното гледиште е детинесто: „Јас го сакам ова и затоа што ме сакате, мора да ми го дадете бесплатно.“ Тоа не е живот, тоа не е вистина. Животот е размена. Ако нешто вреди, мора да се плати цената. Лошите работи понекогаш се бесплатни. Но, добрите работи не доаѓаат бесплатно.
Третата вистина е: „Не можеш да правиш што сакаш.“
Не можеш да правиш што сакаш. Но, секогаш можеш да избегнеш работи што не сакаш да ги правиш. Не можеш да направиш сè, но секогаш можеш да кажеш „не“. Тоа е наша привилегија затоа што сме човечки битија и тоа е наше право.
„Да, не беше лесно да се дојде до овие вистини, но мислам дека тие сè уште важат. Можеби некогаш тоа ќе се промени и ќе ви кажам, но сега е така“, вели Хорхе Букај, пренесува „Metropolitan.si“.
