Многу од туристите сѐ уште летуваат во подножјето на Олимп, а снегот на планината е појава која сигурно не ја очекувале во оваа доба од годината.

Иако врнежите се добредојдени во сушната година која тешко ги погодила резервите на вода, есенската промена на времето предизвикува проблеми во некои делови од земјата, особено на запад каде жителите се советуваат да бидат внимателни додека трае невремето.

Од невремето се погодени и јонските острови, Епир, западна Грција и западните јужни Пелопонези.

Повремено невремето се предвидува и во Тесалија, централна и источна Грција, вклучувајќи ги и атинските подрачја во текот на вечерта, како и останатиот дел од Пелопонез, западен Крит, Евија и Спорадите.

Националната метеоролошка служба ги ажурирала своите податоци, прогнозирајќи дожд, невреме со грмотевици и локални непогоди.

Метеоролозите предупредуваат дека најопасни временски непогоди ќе има во текот на четврток попладне и ќе траат до петок.

Властите апелираат жителите на погодените подрачја да преземат мерки за внимание поради можни поплави, град и силни ветрови.

Туристите разочарани

Последната година сѐ повеќе туристи летуваат и во септември, но и во октомври. Многумина од нив не очекувале вакви временски услови на почеток на октомври.

Под видеото од завеаниот Олимп, туристите пишувале: „Тешко дека некој ќе плива деновиве...“.