Иако поради крем - сирењето многумина можеби ќе се двоумат околу приготовката и вкусот, истиот речиси и не се чувствува поради бисквитот од какао, а колачот одлично се комбинира со попладневно кафе или чај.

Состојки за првиот дел:

Четири белки

четири лажици шеќер

Состојки за вториот дел:

четири жолчки

четири лажици шеќер

100 милилитри млеко

100 милилитри масло

180 грама брашно или осум полни лажици

две полни лажици какао

10 грама прашок за печиво

Состојки за третиот дел:

400 гр крем-сирење

150 гр шеќер

едно јајце

една лажица брашно

Подготовка:

Прво, изматете ги белките со шеќерот додека да добиете цврста смеса. Во друг сад, изматете ги жолчките со шеќерот, потоа додадете го маслото и млекото и продолжете со матењето.

Соединете го брашното, какаото и прашокот за печиво, потоа додадете ги во смесата од жолчки и добро изматете. Постепено додавајте ги изматените белки и сè заедно измешајте со лажица.

Истурете ја смесата во плех обложен со хартија за печење. Ќе ви биде потребен плех за печење со димензии 33×23 см или слично. Вклучете ја рерната да се загрее на 180 степени.

Во друг сад, измешајте го сирењето, јајцето, брашното и шеќерот, потоа префрлете ја смесата во кеса за шприц или во обична кеса за замрзнување и отсечете го врвот. Потоа, премачкајте ја смесата од сирење врз смесата од какао. Печете го колачот 40 минути на 180 степени. Кога ќе се излади, свртете го колачот така што страната со какао да биде свртена нагоре и наросете со шеќер во прав.

Извор: Domaći Recepti