Сепак, тој предупреди дека ова нема да ја скрши армијата ниту да ја запре војната, пишува „Euronews“.

Само за една ноќ, два силни напади врз рафинерии, едниот на 1300 км од фронтот

Во текот на ноќта кон четврток, Украина нападна една од најголемите руски рафинерии за нафта во Република Башкортостан, дури 1300 километри од линијата на фронтот. Во одделен напад, украинските специјални сили, исто така, нападнале рафинерија во регионот Волгоград, на околу 450 километри од фронтот, која игра клучна улога во снабдувањето со гориво на руската армија.

Рафинеријата е најголемиот производител на нафтени деривати во Јужниот федерален округ, преработувајќи 15,7 милиони тони сурова нафта годишно, или 5,6% од вкупниот капацитет на Русија. Поради ваквите напади, постројките што сочинуваат најмалку 17% од рускиот капацитет за рафинирање на нафта, или 1,1 милион барели дневно, биле принудени да престанат со работа.

„Санкции што најбргу делуваат“

Руската влада во голема мера се потпира на приходите од нафта и гас, кои сочинуваат околу една третина од федералниот буџет и се клучни за финансирање на војната. Затоа нападите врз нафтената инфраструктура се логичен чекор за Киев, а украинскиот претседател Володимир Зеленски ги нарече „санкции што најбргу делуваат“.

„Многу е подобро да се нападне рафинерија отколку фабрика за дронови“

Економистот Иноземцев објасни дека нападите врз рафинерии имаат многу поголемо влијание отколку, на пример, нападите врз фабрики за дронови. „Да речеме дека дрон нападнал таква фабрика, ќе бидат потребни три дена за да се обнови сè. Но, ако погодите рафинерија за нафта – последиците се многу посериозни, би горела со недели“, рече тој.

Тој додаде дека опремата во рафинериите, која е претежно европска и американска, речиси е невозможно да се замени поради западните санкции. „Тешко е да се замени со кинеска опрема“, истакна тој.

Нападите предизвикаа значителен пад на производството, особено бензин, што доведе до недостиг низ целата земја. „Пад од 10% на производството на бензин очигледно е дефицит за економијата во целина“, рече Иноземцев.

„Сите зборуваат за проблемите со бензинот. Тој постои, го создадоа Украинците“

„А ситуацијата со бензинот е забележлива. Сите зборуваат за проблемите со бензинот. И тоа е вистина, тој постои, а Украинците го создадоа“. Како резултат на тоа, биле забележани долги редици на бензинските пумпи во неколку региони, а властите прибегнаа кон мерки за штедење.