Европскиот комесар за одбрана Андријус Кубилијус денес повика на итна изградба на „ѕид против беспилотни летала“ по должината на источниот дел од Европската Унија, откако руски беспилотни летала утрово го нападнаа полскиот воздушен простор.
„Русија повторно ги тестира граничните држави, ЕУ и НАТО. Ќе соработуваме со земјите-членки, граничните земји и Украина. Русија ќе биде запрена“, рече тој на мрежата Икс.
Once again Russia tests frontier states, EU & NATO.
— Andrius Kubilius (@KubiliusA) September 10, 2025
We must urgently develop "Drone wall" along entire EU Eastern flank, right now the most important common flagship project.
We shall work together with Member States, frontier countries and Ukraine. Russia will be stopped.
Портпаролката на НАТО, Алисон Харт, изјави дека одговорот на Алијансата на упадот на руски беспилотни летала во полскиот воздушен простор ќе биде разгледан денес на редовната седница, како и дека претставниците на НАТО се во контакт со Полска.
Харт, во објава на мрежата Икс, истакна дека генералниот секретар на НАТО, Марк Руте, е во контакт со полското раководство.
Високата претставничка на ЕУ за надворешна политика и безбедност, Каја Калас, исто така, изјави дека прелиминарниот извештај укажува дека руската инвазија била намерна, како и дека е во контакт со НАТО и Полска.
Полските власти претходно објавија дека собориле неколку беспилотни летала, а дека остатоците од едно се пронајдени во близина на Лублин.
