Славниот дизајнер Џорџо Армани бил погребан вчера во италијанското село Ривалта ди Гацола во близина на својот роден град Пјаченца.
Тој ќе почива покрај своите родители и братот во семејната гробница која ја дизајнирал, а последниот поздрав бил направен во кругот на семејството и најблиските пријатели, во состав со неговите желби, а и ставот дека приватноста треба да се зачува за најмилите.
Џорџо Армани ќе почива во приватна капела во селото Ривалти на околу 100 километри од Милано и во близина на Пјаченца. Ова место било затворено за туристите и посетителите во текот на вчерашниот погреб.
Пријателите и семејството пристигнале на местото каде што ќе биде вечниот дом на Џорџо Армани. Во состав со традицијата, поголем дел од присутните носеле црна облека, додека пак една жена била облечена во бело сако и бела блуза. Тоа многу отскокнувало од останатото опкружување, па се наметнува прашањето дали со тоа таа ја прекршила традицијата поврзана со погребот на католиците.
Иако црната е традиционална боја за погреби во Италија, чии граѓани главно се од католичка вероисповед, белата боја понекогаш се користи симболично на тие настани, особено во цветни аранжмани, а тоа цвеќе симболизира чистота, мир и патување на душата во задгробниот живот.
Белата боја е вообичаена за периодот на тагување во источните култури, може да биде во склад и со католичката симболика.
Пристојно е пред погребот да се праша семејството на починатиот дали постои одредено правило за облекување и дали е во ред да се носи боја која не спаѓа во традиционалните. Главно како алтернативи се бираат црната боја и други потемни бои, како што е кафеавата.
Белата сепак ја симболизира чистотата на душата и мирот, односно духовно патување во задгробниот живот. Во контекст со католичката црква белата боја може да претставува надеж во вечен живот, што е во склад со христијанското верување.
Црната боја исто така преовладува на погребите во Италија, но некогаш се комбинира со други бои, најчесто потемни тонови.
Да ве потсетиме, Џорџо Армани почина на 4 септември на 91-годишна возраст. Неговата модна куќа „Армани“ 50 години се наоѓа на врвот на светската мода. Ќе остане запаметен како еден од најзначајните дизајнери во историјата, крал и визионер во својата работа.
