Леа Абрамович, дванаесетгодишната ќерка на рускиот милијардер Роман Абрамович и неговата поранешна сопруга Даша Жукова, полека расте во вистинска убавица, а фотографијата што нејзината мајка ја сподели на Инстаграм предизвика бран воодушевување.
Жукова, која самата секогаш беше во центарот на вниманието поради својот гламурозен живот и љубовта, не губела време по разводот од Абрамович. Имено таа се омажи за друг милијардер, Ставрос Нијархос III, наследникот на познатата грчка бродска династија.
Денес, двојката има две деца, а Даша, која е исто така американска државјанка, ужива во својот брак и води живот кој е подеднакво раскошен и дискретен.
Сепак, она што привлече најголемо внимание беше Леа. Нејзината мајка ретко ги покажува своите деца во јавност, но овој пат направи исклучок. На фотографијата направена во автомобил, ја гледаме Даша во летен фустан со цветен дезен, додека Леа носела црно-бела комбинација со впечатлива машна.
Не се знае каде точно оделе, но следбениците претпоставуваат дека станува збор за важен настан или гламурозна вечера.
Коментарите на обожавателите само се множеа:
„Леа е прекрасна, иста мајка“, „Вистинска мала принцеза“, „Гените си го направија своето – Абрамович и Жукова се совршена комбинација“. Многумина забележаа колку брзо расте: „Вчера беше девојче, а денес е дама“ коментираа воодушевените обожаватели.
Потсетуваме Абрамович и Жукова се венчаа во 2008 година, но нивниот брак не траеше долго. Иако разводот беше исклучително скап за рускиот олигарх, односно во тоа време беше објавено дека тој морал да се откаже од огромен дел од своето богатство проценето на 14 милијарди долари, а двајцата се согласија околу старателството над децата без конфликт. Арон денес има 16 години, додека Леа штотуку влезе во тинејџерските години.
За разлика од многу наследнички на светски милијардери, Леа засега води мирен живот, далеку од очите на јавноста. Но, судејќи според нејзината природна убавина, стил и презиме, јасно е дека во годините што доаѓаат, ќе биде сè потешко да се остане скриена од рефлекторите.
