Антони направи сè што е во негова моќ за да потпише за Бетис, па беше пречекан како Бог во Севилја

Иако Англичаните издоминираа во секоја смисла на зборот во овој летен преоден рок, завршниот ден донесе многу раздвижувања и во Шпанија, Италија и Германија, а доста голем интерес на Пиринеите предизвика трансферот на Антони.

Бетис и Манчестер Јунајтед со доста мака пронајдоа соломонско решение за трансфер на Антони и успеаја да го реализираат истиот во предвиден рок, па така Бразилецот навреме пристигна во Андалузија за да стави потпис на повеќегодишен договор.

Антони цели два месеци го чекаше Бетис и направи се што е во негова моќ да заврши на „Бенито Виламарин“, а откако желбата му се исполни, беше пречекан како Бог од навивачите на клубот.

Улиците пред аеродромот биле исполнети со илјадници фанови на Бетис, па шпанските медиуми ги доловија импресивните сцени кои сигурно уште долго ќе останат во сеќавање кај бразилскиот фудбалер.