Американскиот претседател Доналд Трамп вечерва ќе се обрати до јавноста од Овалната соба на Белата куќа. Обраќањето е закажано за вечерва во 20 часот по македонско време. Сè уште не е познато за што ќе зборува претседателот на САД.
Да потсетиме, украинскиот претседател Володимир Зеленски пред три дена потсети дека американскиот претседател ѝ дал на Москва „неколку недели“ да преземе чекори во преговорите, вклучително и да се согласи на билатерален состанок со Украина, пред да се врати на идејата за санкции. Тој рок од две недели истече вчера.
Рускиот министер за надворешни работи Сергеј Лавров изјави на 22 август дека Владимир Путин ќе се сретне со Володимир Зеленски дури откако ќе биде подготвена „програмата на самитот“ и дека засега нема такви планови.
