Фенербахче не успеа да го добие плејофот за пласман во Лигата на шампионите против Бенфика, а тоа го чинеше Жозе Мурињо и отказ од турскиот клуб.
Португалецот утринава добил непријатна информација од раководството на клубот и според истата, ќе биде слободен да си бара нов ангажман наредниот период.
– Му благодариме на Мурињо за досегашниот ангажман и му посакуваме успеси во продолжението од кариерата, – стои во краткото соопштение на Фенербахче, со кое е објавена информацијата за отказот.
Мурињо го водеше Фенер од претходната сезона, а на 62 натпревари успеа да дојде до 37 победи.
Турскиот клуб ќе му плати отштета од 15 милиони евра на Мурињо за предвременото раскинување на договорот.
