Неговиот луксуз бил огромен: резиденции ширум земјата, островот Бриони, луксузни возови, јахтата „Галеб“, лимузини и авионски флоти.

Сепак, сето тоа не било неговото приватно богатство, станувало збор за државни ресурси со кои Тито располагал како доживотен претседател.

Од друга страна, во системот на социјализмот каде приватниот имот бил ограничен, постоеле луѓе кои успеале да се збогатат, пренесува српски „Курир“.

Најбогатиот приватен граѓанин на СФРЈ кон крајот на 80-тите бил угостител од Скопје којшто во 1988 година пријавил приход од дури 171 милиони динари.

Тој податок го објавила тогашната даночна управа, а го пренеле сите домашни медиуми. Не се знае кој е тој угостител од Скопје, неговото име не било забележано во медиумските или архивските извори. Сѐ што знаеме е дека во 1988 година бил пријавен приход којшто бил најголем во Југославија меѓу граѓанските сектори.

Покрај него, високо биле котирани и разни приватни претприемачи како угостители, занаетчии, па дури и одредени музичари и професори кои успеале во социјалистичкиот систем да заработат повеќе од многу од директорите во државните фирми.

Меѓутоа, одговорот на прашањето: Кој е најбогатиот човек во СФРЈ зависи од тоа како се мери богатството.

Доколку говориме за приватен имот, тогашните најбогати угостители или мали претприемачи тешко можеле да се „мерат“ со Тито.

Доколку говориме за моќта и пристапот до ресурси, Тито бил апсолутно недопирлив, неговиот луксуз и привилегии не можеле да ги достигнат ниту најуспешните луѓе во Југославија.

Тито VS. најбогатиот приватен угостител во СФРЈ

Тито

- Резиденции во Белград, Загреб, Љубљана и на Бриони;
- Остров Бриони како лична оаза;
- Јахтата „Галеб“ и луксузни возови;
- Лимузини и авиони под државно знаме;
- Неограничен пристап кон државно богатство.

Најбогатиот угостител од Скопје

- Пријавен приход: 171 милиони динари;
- Приватни вили и ресторани;
- Статус на „милионер“ во земја каде просечната плата била неколку стотина долари;
- Богатство стекнато исклучиво на пазарот.