МВР информира дека во утринскиот пожар изгореле четири возила.
Денеска, во 2.05 часот, во СВР Скопје било пријавено дека во Скопје, на територијата на Центар, било опожарено патничко моторно возило „фиат“, со скопски регистарски таблички, сопственост на правно лице, а од огнот биле зафатени и патнички моторни возила „шевролет авео“, со охридски регистарски таблички, сопственост на М. И. (21) од Охрид, „фиат пунто“, со скопски регистарски таблички, сопственост на Е. Т. (20) од Скопје, и „сузуки“, со скопски регистарски таблички, сопственост на С. М. (54) од Скопје.
Пожарот бил изгаснат од страна на Бригадата за противпожарна заштита Скопје, а увид ќе се врши во текот на денот.
