Роберт Левандовски не го одигра поселдниот тест против Комо поради повреда на задната ложа, а какошто стојат работите, Полјакот нема да му стои на располагање на Ханси Флик и за воведното коло во Ла Лига.
Барселона како актуелен шампион ќе ја отвори сезоната со дуел против Мајорка, но во пресрет на гостувањето на Островот, во центарот на вниманието меѓу каталонските медиуми се најде Левандовски.
Првиот напаѓач на Барса тренирал одвоено од првиот тим и имал специфични вежби за рекуперација, по што имал и состанок со Ханси Флик и неговите соработници.
Каталонските весници „Мундо Депортиво“ и „Спорт“ пренесуваат дека нема да се преземаат никакви ризици со Левандовски, што значи дека тој нема воопшто да биде во комбинација за дуелот со Мајорка.
Неговото место во стартната постава ќе го пополни Феран Торес, фудбалер кој имаше извонреден крај на минатата натпреварувачка сезона.
