Александер Исак не отстапува од својата позиција и покрај фактот што нема ништо конкретно во преговорите на Ливерпул и Њукасл за негов трансфер, па шведскиот репрезентативец решил да остане на ставот да се пресели во редовите на англискиот првак.
Напаѓачот не тренира со своите соиграчи од Њукасл и останува фокусиран на идејата да стане член на Ливерпул пред 1. септември, нешто што би бил важен чекор во неговата веќе успешна кариера.
Единствениот обид на Ливерпул да го доведе Исак беше тежок 110 милиони фунти, но откако Њукасл ја одби понудата, ривалот не се врати со повисока сума и испрати порака дека нема да инсистира на трансферот по секоја цена.
Исак веќе ја пропушти азиската турнеја на Њукасл, а најавите се дека нема да биде во комбинација ниту за дуелот со Астон Вила во првата рунда од новата сезона на Премиер лигата.
Швеѓанецот има уште три години од договорот со Њукасл, а минатата сезона постигна 27 голови на 42 натпревари.
