Левандовски за еден нереализиран трансфер: Му кажав „да“ на Манчестер Јунајтед

Дерби

12/08/2025

12:53

399

Големина на фонт

а а а

Роберт Левандовски сè уште не помислува за крај на кариерата, иако се чини дека новата сезона ќе му биде и последна во Барселона и ќе му донесе дилема дали и каде би продолжил во пресрет на заслужената фудбалска пензија.

Полскиот напаѓач во последното интервју зборувал за еден нереализиран трансфер од пред повеќе од една деценија, односно неисполнетата желба да соработува со Алекс Фергусон во Манчестер Јунајтед.

– Донесов одлука за трансферот во Јунајтед и му кажав „да“ на клубот. Сакав да се преселам во Манчестер и да соработувам со Алекс Фергусон, – открил Левандовски алудирајќи на 2012 година, кога ги тресеже мрежите како фудбалер на Борусија Дортмунд.

– Но, Борусија не сакаше да ме продаде, знаеја дека ако останам подолго ќе заработат повеќе пари и дека можам да почекам уште некоја сезона.

– Како и да е, точно е дека лично ја прифатив понудата на Манчестер Јунајтед, – рекол Левандовски, кој подоцна направи трансфер во Баерн Минхен.