Кога ќе купите сочна, летна пченка, добро е да знаете како да ја подготвите и за што да ја користите.
Иако варењето пченка звучи како наједноставна и прилично банална работа, постојат нешта на кои треба да обрнете внимание за таа да не стане премногу тврда или гумена, што, на пример, може да се случи ако ја варите предолго.
Оптималното време на варење на пченката е од 7 до 10 минути, во зависност од големината и дебелината, а откако водата ќе зоврие. Значи, исчистете ги клиповите, ставете ги во млака вода, а потоа ставете ги на шпоретот. Кога ќе се појават меурчиња и ќе станат поинтензивни, одбројувате околу 10 минути, а потоа исклучете го шпоретот.
Добро е да се додаде дека и покрај фактот што многу луѓе сакаат да додаваат сол во водата во која се вари пченката, тоа всушност не е потребно и пченката може да се посоли непосредно пред сервирање. Односно ако додадете сол за време на варењето, пченката може да стане гумена.
Освен во вода, пченката може да се вари и на пареа. Над сад со врела вода ставете цедалка или сад за готвење на пареа, потоа ставете ја пченката во него и варете околу 15 минути. Пченката ќе биде уште посочна.
Исто така, најдобро е пченката да се вари веднаш по берењето, додека е најсвежа, а доколку тоа не е можно, задолжително чувајте ја во фрижидер, бидејќи во спротивно ќе се исуши и може да се појави мувла на клиповите.
Откако ќе ја сварите пченката, послужете ја посолена со малку путер, а можете да додадете и зачини или сирење. Одлична опција е зачинот таџин, но и печен сусам или лук со кои ќе ја премачкате пченката.
Секако, можете да измешате путер, сол, таџин, сусам и лук и со таа мешавина да ја премачкате свежо сварената, сè уште топла пченка. Нема да ви требаат други додатоци, прилози или главни јадења.
