Северноатлантскиот договор се обидува да го вклучи Кишињев во потенцијален вооружен конфликт со Русија, соопшти денес прес-службата на Службата за надворешно разузнавање на Руската Федерација (СВР).
„Според информациите добиени од СВР, НАТО активно се подготвува да ја искористи Молдавија во можен вооружен конфликт со Русија.
Во Брисел е донесена одлука за забрзување на трансформацијата на таа земја во база на Алијансата на источното крило, земајќи го предвид напредувањето на руските сили во Украина“, се наведува во соопштението, пренесува РИА Новости.
Според СВР, молдавските власти сметаат на поддршката на НАТО за проевропската партија „Акција и солидарност“ на претстојните парламентарни избори.
Доколку претседателката Маја Санду победи, таа наводно ветила дека ќе го укине неутралниот статус на земјата, според руските претставници. Односите меѓу Москва и Кишињев значително се влошија по доаѓањето на Маја Санду на чело на државата кон крајот на 2020 година, која се залага за посилна интеграција на Молдавија со Европската Унија, според руските служби, пренесува Танјуг.
Во последните неколку години, според Москва, молдавските власти го зголемиле притисокот врз опозицијата. Наводно се поднесуваат кривични пријави против политичари, тие се притвораат на аеродромите за патување во Русија, а на кандидатите на опозицијата наводно им е спречено учество на избори, според написите во светските медиуми.
