Угледната „Марка“ беше еден од првите медиуми кои ја пренесоа страшната и трагична вест за смртта на Диого Жота, светски познатиот фудбалер кој за жал рано утрово го загуби животот на 28-годишна возраст.
Ѕвездата на Ливерпул завршила трагично по страшен инцидент на 65-от километар од автопатот А-52 во близина на шпанската провинција Замора, а покрај Диого, во автомобилот бил и неговиот помлад брат Андре кој исто така беше фудбалер.
Двајцата добиле фатални повреди и починале на лице место, а луѓето кои сведочеле на ужасниот настан за „Марка“ откриваат дека автомобилот се запалил од силината на ударот.
Возилото во кое биле двајата Португалци ја пробило заштитната ограда и излетало од автопатот, а покрај возилото, горела и дел од вегетацијата во близина на немилиот настан.
Жота имаше 28 години и со години важеше за важен фудбалер во првиот тим на Ливерпул, а трагедијата е уште поголема ако се знае дека Диого пред само две седмици стапи во брак и направи свадба со својата избраничка.
