Огромен кит што беше забележан во Херцег Нови и сè уште плива во Јадранското Море.
Пред два дена во заливот кај Херцег Нови беше забележан кит, а вчера се појави ново видео – китот беше снимен кај Дубрава, во близина на Бар.
Видеото е објавено на Јутјуб каналот на „Подгорички времеплов“ и јасно може да се чуе китот како испушта карактеристични звуци.
Според нив, оваа воздушна снимка е направена вчера, и на неа се гледа како китот лежерно плива блиску до површината додека излегува да вдише воздух.
Институтот за морска биологија на Универзитетот во Црна Гора вчера потврди дека ова е многу невообичаена појава за ова подрачје и ги повика граѓаните да бидат внимателни.
🐋 KIT U HERCEGNOVSKOM ZALIVU!
Danas je u Hercegnovskom zalivu uočen kit, što je izuzetno rijetka pojava u našim vodama.
Molimo sve vlasnike sportskih i rekreativnih plovila da budu maksimalno oprezni, smanje brzinu i izbjegavaju približavanje životinji.
Poštujmo prirodu i ne uznemiravajmo ovog morskog diva! 🌊💙
Snimak dostavila Maja Stupar
Posted by Institut za biologiju mora / Institute of Marine Biology on Thursday 26 June 2025
Исто така, тие ги замолија сите сопственици на спортски и рекреативни пловила да ја прилагодат брзината и да избегнуваат приближување кон животното, за да не се вознемири или повреди китот.
Меѓу другото, експертите предупредија дека неодговорното однесување може да доведе до сериозни последици за овој редок гостин на Јадранот.
Патем, во Јадранското Море китовите се ретки, но се случува повремено во овој дел од Медитеранот, да „залутаат“ видови како што се синиот кит (Balaenoptera musculus) и грбавиот кит (Megaptera novaeangliae).
Сепак, досега „средбите“ со најголемите цицачи на планетата најчесто се случувале на отворено море, а многу ретко во тесни заливи или во близина на брегот.
