Барселона се враќа дома по две години

Иако се уште ќе траат активностите на „Камп Ноу“ до комплетирање на финалниот производ, Барса ќе може да се врати на стадионот по пауза од две години.

Првиот тест ќе биде на 10 август на „Жоан Гампер“ Купот каде иако не е потврдено се очекува да ги одмерат силите со Комо. Се очекува да се тргне со бројка од 25.000 гледачи според информациите на „Мундо Депортиво“.

Ќе има специјална програма на активости која ќе биде откриена во наредниов период, меѓутоа она што е најважно Барса се враќа каде што припаѓа откако претходниве две години настапуваше на „Монжуик“.