Рускиот претседател Владимир Путин во моментов не планира да разговара со американскиот претседател Доналд Трамп, објави Кремљ по американските напади врз иранските нуклеарни постројки. Сепак, Кремљ додаде дека повикот може да се организира брзо, пренесе државната новинска агенција ТАСС.
Русија и Иран потпишаа договор за сеопфатно партнерство во јануари, дополнително зацврстувајќи го нивниот стратешки сојуз. Но, договорот не обврзува ниту една страна воено да и помага на другата во случај на напад.
Во меѓувреме, Путин и кинескиот лидер Кси Џинпинг силно ги осудија нападите на Израел врз Иран за време на телефонскиот разговор во четвртокот, според изјавите на Кремљ и кинеското Министерство за надворешни работи.
Иако во изјавите не се споменуваат САД, Кси во пораката јасно насочена кон Трамп – нагласи дека големите сили кои имаат посебно влијание врз страните во конфликтот треба да работат на смирување на ситуацијата, а не обратно.
Денес
